12345
This is an example of a HTML caption with a link.

Kombinasiyalashgan dizel-quyosh elektrostantsiyasi

Ba`zi bir hududlarda elektr ta`minoti u qadar yaxshi emas, yoki umuman etib bormagan. Natijada sanoat ishlab chiqaruvchilar asosan benzin, gaz va dizel generatorlardan foydalanishadi. Hozirgi kun hisob kitoblariga ko`ra  dunyoda 500 gigavatt dizel generatorlari o`rnatilgan va ular iste`molchilarni elektr energiya bilan ta`minlab kelmoqda. Bu turdagi stansiyalarning asosiy muammosi kundan-kun yoqilg`i narxining oshib borishi hisoblanadi.

 

        Agar yoqilg`i mahsulotlari uzoqroq hududlardan olib kelinadigan bo`lsa, harajatlar yanada oshib ketadi. So`ngi yillarda quyosh fotoelektrik modullarining narxi 50%gacha tushganligini hisobga olsak, markazdan uzoq bo`lgan hududlar uchun eng muqobil energiya manbai bo`lib turibdi. Kombinatsiyalashgan fotoelektirik va generator tizimlarining energiya salohiyati ayniqsa uzoq mintaqalar uchun juda yuqori. Chunki bizda katta hajmda keladigan, mutlaqo bepul quyosh energiyasi mavjud va undan qo`shimcha ravishda foydalanish mumkin.

2012 yil noyabr oyida Janubiy Afrika Respublikasida dunyoda birinchi marta 1 megavatt quvvatga ega bo`lgan kombinasiyalashgan dizel-quyosh elektrostasiyasi ishga tushirildi. Eng e`tiborli jihati u markaziy elektr sistemasiga ulanmagan. Quyosh elektrostansiyasi qo`shimcha elektr energiyasini ishlab chiqaradi va generator majmuasidagi yuklamalarni kamaytiradi. Bu kombinatsiyalashgan tizim yiliga 450 ming litr dizel yonig`isi tejash va atrofga chiqayotgan karbonat angidirid gazini kamaytirish imkoniyatiga ega.  

Kombinatsiyalashgan dizel – quyosh elektrostansiyasi fotoelektrik modullardan tashkil topgan quyosh elektr stansiyasi, dizel generatorlari va ularni ishlashini nazorat qilib turadigan avtomatik tizimdan iborat. Avtomatik tizim             quyosh elektrostansiyasidan kelayotgan elektr energiyasini iste`molchi talab qilayotgan energiya quvvati bilan solishtiradi va qo`shimcha energiyani dizel generatorlari hisobiga qoplaydi. Bu tizim huddi shu tartibda ishlaydi. Quyosh elektrostansiyasi dizel generatorlariga qo`shimcha elektr manbai sifatida ishlaydi.

Teglar: